grande: ax. Que tien un tamañu, una midida, una edá, una intensidá penriba de lo necesario, de lo normal, de lo que se pon como referencia. L’hermanu grande. El caxón grande. 2 Que yá vivió unos cuantos años dende que nació. Diben al circu neños y persones grandes. 3 Arrogante, que se desfái con facilidá de los bienes de so pa dá-yoslos a los demás. 4 Fanfarrón, dau a fanfarroniar. || A lo grande, ensin reparar no que se gasta. || Comer del pote grande, fam. tener bona salú. || Cuatriada grande, xugada [nuna variedá del xuegu de los bolos, que se fai metiendo la bola pela filera contraria a onde ta asitiáu’l biche, de manera que lu valte o que pase per delantre d’él]. || En grande, perbién. Pásalo en grande. 2 Ensin reparar no que se gasta. Gastar en grande. || Del pote grande, fam. con bona salú. || La grande, cuatriada que da más tantos nel xuegu de los bolos. || Prau grande, fam. la mar.