forma, la: sust. Manera [d’apaecer o amosase una cosa, una persona]. 2 Conxuntu de llinies [que dibuxen el contornu d’un cuerpu]. 3 Mou [de facer daqué]. 4 Molde [pa facer los zapatos]. 5 Botón [del calzonciyu]. 6 Hostia, pieza [redonda de pan ensin formentar que los cristianos tomen pa comulgar]. 7 Cualidaes [físiques apropiaes pa poder facer bien un deporte, un trabayu]. 8 Estructura y estilu [d’una obra lliteraria]. 9 Aspeutos d’espresión [que tien que cumplir un escritu]. 10 pl. Manera d’actuar, de portase [les persones]. 11 pl. Manera [correuta] d’actuar, de portase [les persones]. || De forma que, asina que. || De la mesma forma, *espresión cola que s’introduz o se completa un enunciáu. || De toes (les) formes, nun importando les circunstancies qu’arrodien un fechu. 2 Dafechu. Ye tontu de toles formes. || D’esta forma, asina, en resultancia. || En forma, coles cualidaes físiques apropiaes pa facer bien un deporte, un trabayu.