escuela, la: sust. Centru d’enseñanza. 2 Centru d’enseñanza primaria. 3 Institución estatal [que s’ocupa de la enseñanza primaria]. 4 Enseñanza, conxuntu [d’idees, de maneres de portase que s’enseñen, que s’aprienden]. 5 Clases [que se dan o se reciben]. ¿Quién-y va dar escuela a esta neña en segundu? 6 Conxuntu d’alumnos y profesores [d’un centru d’enseñanza primaria]. 7 Conxuntu d’idees o de discípulos [siguidores d’un pintor, d’un filósofu]. || Escuela normal, centru d’enseñanza onde se formen les persones que dan clas nes escueles. || Escuela ribera, fam. mala educación. || Montar la escuela, fam. faltar a les clases [a escondíes]. || Poner escuela, facese cargu de la enseñanza primaria [nun llugar determináu un maestru].