escaecer: v. Dexar d’acordase [de daqué o de daquién dexándolu nun sitiu, nun faciendo con él lo que se tenía de facer]. Escaecí’l paragües. 2 Nun conservar na memoria. Escaez lo que me dixisti. 3 Desapaecer [daqué ensin saber cómo]. Tenía unes ablanes y escaeciéronseme ensin saber per ónde. 4 prnl. Desapaecer de la memoria, de l’alcordanza [daqué dexándolo nun sitiu, nun faciendo con ello lo que se tenía de facer]. Escaecióseme’l llibru en casa. 5 prnl. Despreocupase, desentendese. Escaezte del neñu que yá lu cuido yo.