esbocar: v. Enanchar o agrandar la boca de [una madreña]. 2 Enanchar o agrandar [un furacu, una abertura]. 3 Quitar o romper [la boca d’una botella, d’un xarru]. 4 Allisar, iguar [los bordes de la madreña]. 5 Romper o estragar [el corte d’una ferramienta]. 6 Nun s’axustar [el cuellu d’un vistíu, d’una chaqueta al pescuezu]. 7 prnl. Echar a correr ensin control [una caballería al asustase]. 8 prnl. Portase [ensin nengún control, dexándose llevar pol rixu y les emociones]. || Cuchiellu d’esbocar, esbocador, ferramienta [cortante, asemeyada a un cuchiellu, que s’emplega pa enanchar la boca de les madreñes].