enredar: v. Desordenar, poner en males condiciones [al cruciase, anuedase o enroscase filo, llana, pelo]. L’aire enredóme tol pelo. 2 Confundir, entemecer [persones, coses de manera que nun s’estremen ente elles]. 3 Facer [más] difícil o desordenáu [un asuntu]. 4 Meter [nun asuntu difícil, complicáu]. 5 Encismar, facer [lo posible pa que persones o animales s’enfaden, s’engarrien]. 6 Entretenese [corriendo, moviéndose, blincando]. Los neños enrieden tol día en casa. 7 Entretener, facer perder el tiempu [a daquién enllenándolu d’asuntos]. 8 Facer mal usu de [daqué estrozándolo]. Enrieda col botón de la televisión tol día, va estrozalu. 9 Dar poca importancia a [la salú], a [los sentimientos de daquién]. Nun enriedes cola salú que vas acabar mal. 10 Esixir [munchu] esfuerciu [un llabor, un trabayu]. Hasta qu’apriendas a facelo va enredate muncho. 11 fam. Engañar, dexar preñada [a una muyer] ensin querer casase con ella dempués. 12 prnl. Quedar engancháu ente artos, ente redes de manera que ye difícil soltase. La pita enredóse na sebe y pasó la nueche fuera. 13 prnl. Entretenese, perder el tiempu. 14 prnl. Tener rellaciones amoroses o sexuales [con daquién]. 15 prnl. Tar mui entreteníu, mui atentu [faciendo una cosa que se tien ganes d’acabar]. || El demoniu los enrieda, *espresión cola que s’indica que daqué sal mal ello solo. || Enredar un árbol, protexer un árbol pequeñu del ganáu, poniéndo-y estaques alredor. || Enredase en cadexu, metese nun problema más grande de lo que paecía.