enllenu, -a, -o: ax. Que tien tola cantidá [de daqué que ye a contener, a llevar]. 2 Que tien muncho, que tien enforma [de daqué]. 3 Que comió muncho, que comió enforma. 4 Col estómagu revueltu. Toi enllena col pastel que comí. 5 Fartucu, que pierde l’aguante, la paciencia. 6 Col calzáu moyao [al metese nun charcu, nun fontán]. || A goxa enllena, abondo, en cantidá grande. || A manes enllenes, en cantidá grande. Dieron carambelos a manes enllenes. || A mano enllena, en cantidá grande. Comieron fayueles a mano enllena. || A papu enllenu, fam. en cantidá grande. || Agües enllenes, mar enllena. || Cara de lluna enllena, cara grande y redonda. || Lluna enllena, lluna que se ve illuminada y redonda dafechu. || Tener la cabeza enllena (de) páxaros, fam. tener pocu xacíu. 2 Tar distrayíu.