empezar: v. Facer el primer gastu, el primer usu de [daqué]. Empezái la caxa galletes. 2 Tar el primeru nuna [posición], nun [sitiu]. Soi yo la qu’empiezo la filera. 3 Tener los primeros momentos d’esistencia, de desendolcu. El llibru empieza con un asesinatu. 4 Dar los primeros momentos d’esistencia, de desendolcu [a daqué]. El llunes ensin falta empiezo a facer la chaqueta. Empezaron la carretera en Caldones. Empecemos l’actu con un discursu del presidente.