doblar: v. Facer [qu’una parte d’un papel, d’una tela, d’un cuerpu quede enriba d’otra parte de so ensin que ruempa]. 2 Quedar [un papel, una tela, un cuerpu con una parte enriba d’otra ensin que ruempa]. t. prnl. 3 Tener carauterístiques que dexen facer [qu’una parte d’un papel, d’una tela, d’un cuerpu quede enriba d’otra parte de so ensin que ruempa]. 4 Mover [tolo posible los xuegos de los güesos]. Esti neñu dobla mui bien. 5 Aumentar [una cosa] el doble. Dobláron-y el sueldu. 6 Tener el doble de [una cosa] que [daquién o daqué]. A ti dóblote la edá. 7 Repetir les mesmes hores, los mesmos díes de trabayu ensin descansar. 8 Cambiar de direición. Al llegar al cruz dobla a la derecha. 9 Sustituyir [la voz d’un actor pola d’otra persona nuna película]. 10 Facer que [daquién] dexe de ser contrariu a un ruegu, a un pidimientu. 11 Dexar [daquién] de ser contrariu a un ruegu, a un pidimientu. 12 Facer que dexe de tar o tener derecha una parte de so [una persona, una cosa] al salise de la llinia reuta. 13 Dexar de tar o tener derecha una parte de so [una persona, una cosa] al salise de la llinia reuta. t. prnl. 14 fam. Facer [munchu trabayu en pocu tiempu]. || Doblar el cumal, fam. trabayar físicamente. || Doblar l’espinazu, fam. trabayar físicamente.