curtiu, -a, -o: ax. De pocu llargor [nel tiempu, nel espaciu]. 2 Con un llargor menor del necesariu. Esa falda quédame curtia. 3 Que nun llega más abaxo de les rodiyes [una falda, un pantalón], del coldu [una manga]. 4 Que nun llega al puntu amañosu [una bala, un dardu, una cantidá]. 5 Incompletu [un razonamientu, una pregunta]. 6 Que tien poca capacidá [pa razonar, pa entender]. 7 Cobarde, que nun s’atreve [a falar, a dicir daqué]. || Curtiu de vista, fam. miope, que ve mal de lloñe. || Curtiu metraxe, película [cinematográfica que nun pasa d’unos trenta y cinco minutos de proyeición]. 2 Xéneru cinematográficu [que se basa en películes de non más de trenta y cinco minutos de proyeición]. || De curtio, coles piernes al aire. || De (el) brazu curtiu, fam. poco trabayador. || Guión curtiu, signu ortográficu que se representa por «-» [que se pon p’axuntar dos pallabres, que se coloca al final d’una ringlera cuando una pallabra nun entra entera]. || Vista curtia, fam. miopía.