cueva, la: sust. Espaciu [güecu y xeneralmente natural, dientro de la tierra, dientro d’una peña, dientro del monte]. 2 Espaciu [qu’escaven los animales na tierra pa guardase, pa criar]. 3 Pallera, sitiu [onde s’escuenden les truches en ríu]. 4 fam. Llocal [escuru y puercu]. || Cueva (de) la raposa, fam. pocina [que se forma onde s’axunta l’espinazu cola cabeza de les persones]. || Cueva los pioyos, fam. pocina [que se forma onde s’axunta l’espinazu cola cabeza de les persones]. || Metese na cueva (de) l’osu, fam. participar nun asuntu peligrosu, complicáu.