cuadru, el: sust. Cuadráu, figura [xeométrica formada por cuatro llinies reutes, d’igual llargor, que s’aúnen pelos cabos formando cuatro ángulos reutos]. 2 Cuadrilláteru, figura [xeométrica formada por cuatro llinies reutes que s’aúnen pelos cabos, formando cuatro ángulos]. 3 Figura, oxetu o superficie en forma de cuadrilláteru. 4 Pintura, dibuxu o grabáu [fechu sobre una tela, sobre un papel, que se pon nes paredes]. 5 Armazón [d’una bicicleta, d’una moto]. 6 Tierra [pequeña, de forma cuadrada y que se sema con un mesmu tipu de planta]. 7 Parte [d’una tierra que se sema con un mesmu tipu de planta]. 8 Espaciu [vacíu qu’hai ente los travesaños d’una gradia]. 9 Conxuntu [de paños que formen la vela d’un barcu]. 10 Tableru [onde s’alcuentren los mandos que sirven pa controlar unes instalaciones industriales]. 11 Parte [de les que tien un actu teatral, que pue tener delles escenes]. 12 Situación [azarienta que llama l’atención de la xente]. 13 Representación [gráfica d’un asuntu, d’unos datos de manera que s’entiendan fácilmente]. 14 Xuegu [que consiste en colocar tres fiches en filera nun cuadráu con nueve puntos]. 15 Armazón [trapezoidal de los que refuercen la galería minera, formáu por dos pieces verticales y una cimera horizontal]. 16 Armazón [cuadráu de los que refuercen un pozu, un coladeru, formáu por cuatro mampostes]. || Cuadru clínicu, conxuntu de síntomes [que tien un enfermu, que presenta una enfermedá]. || En cuadru, formando cuadrilláteros o cuadraos. 2 Ensin nada de lo que se tenía, ensin dineru, ensin bienes.