cosques, les: sust. Sensación [que se produz al tocar delles veces con daqué suave la planta los pies, debaxo los brazos y que da respigu, gana de rir]. || Buscar les cosques [a ún], fam. poner nerviosu [a ún]. 2 Enfadar [a daquién]. || Facer cosques, tocar [delles veces con daqué suave la planta los pies, debaxo los brazos pa producir una sensación que da respigu, gana de rir]. || Sacar les cosques [a ún], fam. dar una cuelma [a daquién]. 2 Facer que [daquién ría o tenga respigu tocándo-y repetíes vegaes la planta los pies, debaxo los brazos].