corada, la: sust. t. pl. Conxuntu de muérganos [asitiaos nel troncu del home, de dellos animales]. 2 Pulmones. 3 Sangre [que surde al corar]. 4 Coraxe, valor, ánimu [que se tien pa facer les coses]. || Arder les coraes [a daquién], entrar [a daquién] un gran alteriamientu nel ánimu [por enfadu, por rabia]. 2 *Espresión que se diz cuando daquién tien arremangu, brenga pa facer les coses. || Ardor de coraes, sensación mala [que se tien nel estómagu cuando se fai mal la dixestión]. || Comer les coraes, fam. *espresión que s’usa p’amenazar a daquién. 2 Arruinar, dexar ensin nada. || Echar les coraes, fam. vomitar muncho y con esfuerciu. 2 Trabayar muncho y con esfuerciu. 3 Tar mui enfadáu. || Mal de la corada, ataque mortal de corazón. || Royer les coraes [a daquién], producir [a daquién] una sensación d’alteriamientu, de nerviosismu [daqué que produz dañu moral]. || Sacar les coraes a daquién, fam. *espresión que s’usa p’amenazar a daquién. 2 Arruinar, dexar ensin nada.