conciencia, la: sust. Capacidá de dase cuenta de les coses y de sí mesmu. El ser humanu ye l’únicu animal con conciencia. A pesar de la so conciencia, dexó a los neños solos. Por culpa del golpe perdió la conciencia y nun recordó hasta media hora más tarde. 2 Estáu d’ánimu [que producen los dichos, les aiciones que fai una persona]. Vivió cola conciencia tranquila. 3 Conxuntu d’idees, de sentimientos [que formen parte de la personalidá de caún, que faen qu’una persona actúe d’una manera determinada]. La conciencia obligólu a pagar. Llibertá de conciencia. 4 Capacidá d’actuar bien, de manera correuta siguiendo unos principios. Ye un home ensin conciencia política. 5 Compasión, escrúpulu. Ten conciencia d’él y nun lu castigues. || A conciencia, adré, a queriendes. 2 Muncho. Miró’l reló a conciencia. 3 Bien y con munchu cuidáu. Pintó la casa a conciencia, como lo fai un profesional. || Cargu de conciencia, esmolición [por daqué que se fixo o se dixo]. || En conciencia, acordies cola conciencia d’ún. || Esame de conciencia, reflexón [que fai una persona sobre los sos fechos, sobre los sos actos]. || Oxeción de conciencia, oposición [a daqué por motivos éticos, políticos, relixosos]. || Oxetor de conciencia, persona [que s’opón a daqué por motivos éticos, políticos, relixosos]. || Pacer la conciencia un burru a daquién, fam. *espresión que se diz cuando una persona dexa d’actuar según unos principios, unes idees primeres. || Remorder la conciencia, producir una sensación de dulda, de pruyimientu, d’esmolición [cuando se fai dalgo que paez inxusto, inmoral]. || Voz de la conciencia, conxuntu d’idees, de sentimientos [que faen qu’una persona actúe d’una manera determinada].