conceyu, el: sust. Territoriu [formáu por una o delles parroquies y gobernáu por una corporación presidida por una persona]. 2 Conxuntu de persones [que s’encarguen de gobernar un territoriu formáu por parroquies]. 3 Edificiu [onde s’axunta’l conxuntu de persones que gobiernen un territoriu formáu por una o delles parroquies]. 4 Conxuntu [de persones, de vecinos, d’eclesiásticos que s’axunten pa tratar dalgún asuntu]. 5 Grupu [de persones que s’axunta pa falar, pa baillar, pa xugar]. || A conceyu, xuntos [los vecinos, la xente pa tratar d’un asuntu]. 2 P’axuntase los vecinos y tratar dalgún asuntu común [llamar, tocar]. || Casa (de) (el) conceyu, edificiu [onde s’asitia’l llar de la corporación municipal]. 2 Sitiu [onde s’axunten los vecinos d’un pueblu pa tratar un asuntu]. || Conceyu abiertu, xunta [que se fai nun pueblu pa tratar dalgún asuntu, onde puen participar tolos vecinos]. || Corral (de) (el) conceyu, sitiu [onde se guarden les vaques prindaes]. || Prau conceyu, prau del común.