coincidir: v. Atopase o axuntase [nun mesmu sitiu, nun mesmu momentu]. Coincidimos tolos domingos en chigre. Los dos fiximos por coincidir na estación. Los trenes coinciden siempre en Villabona. Cuando’l Sol coincide cola Lluna hai un clis. 2 Atopase o axuntase [nun mesmu sitiu, nun mesmu momentu ensin prevelo]. Cuantayá que nun lu vía, pero esti día coincidí con él na casa’l conceyu. 3 Asoceder [dos o más fechos, un fechu con otru nun mesmu tiempu, nuna mesma época]. El nacimientu de mio padre coincidió col día qu’empezó la guerra. 4 Ser igual o asemeyáu en dalgún trazu. Nun coinciden en nada pero viven xuntos. Los resultaos de les cuentes nun coinciden. 5 Pegar, formar un conxuntu harmónicu [dos o más coses pol tamañu, pol aspeutu, pol color]. L’alfombra nun coincide col color de los muebles. 6 Quedar xusto a la midida. Hai dos pieces del reló que nun coinciden. 7 Ser posible coordinar dos o más aiciones pa faceles a un tiempu. Cuando vayas a Villoria, si te coincide, vas a velu. 8 Resultar [daqué amañoso, afayadizo]. Nun me coinciden los aviones. Coincidiríame meyor si vienes pela tarde.