coche, el: sust. Automóvil [de tamañu pequeñu pal tresporte de persones]. 2 Cantidá [que lleva un automóvil pal tresporte de persones]. 3 Vehículu [compuestu d’una plataforma con ruedes que s’engancha a les caballeríes pa que tiren d’elli]. || Coche cama, vagón [d’un tren con cames]. || Coche de choque, coche [protexíu por defenses neumátiques y movíu por lletricidá que choca con otros del mesmu tipu]. || Coche (de) llinia, autocar [que fai un percorríu fixu]. || Coche (de) puntu, taxi. || Coches de choque, barraca [de feria que consiste nuna pista per onde cuerren coches llétricos que choquen ente ellos protexíos por defenses neumátiques].