chiscar: v. Moyar [con gotes que salten, con chorros que s’aventen]. Chiscóme’l coche al pasar. Chiscáronlu cola manguera. 2 Llanzar [arena seco al correr, al xugar]. ¡Neñu, nun chisques arena! 3 Dar un rellumu. Chiscó’l flax de la máquina de semeyes. 4 Meter [daqué o a daquién de sópitu nel agua]. 5 Sacar chispes [pa prender fueu, pa prender la mecha d’un mecheru]. Esti mecheru chisca bien. 6 Prender [un mecheru, una cerilla]. || Chiscase por [daqué o daquién], prestar muncho, gustar muncho. Chíscome por ello.