cenciellu, -a, -o: ax. Ruin, de poca resistencia o fuercia. 2 Delgáu, de pocu anchor [daqué]. 3 Flaca, delgada [una persona]. 4 Fechu con perpoques pieces, con perpocos elementos. 5 Fechu coles menos pieces, colos menos ingredientes posibles. 6 Fácil, con poques dificultaes. 7 Con pocos adornos. || A cencielles, ensin complicación, de manera simple. Pa que s’entienda, val más redactar el testu a cencielles. 2 Ensin ayuda, ensin intervención d’otra persona. Quier facelo too a cencielles y refuga los favores de la xente. 3 De manera incompleta. Al colar pa casa siempre-yos queden les coses a cencielles y tien que faceles otru día. 4 Ensin procuru, poniendo pocu cuidáu. Nun seyas mal amañosu, nun faigas les coses a cencielles. 5 Ensin nada, ensin nenguna cosa más. Punxeron una estatua a cencielles en mediu la plaza. Dempués de la muerte del pá, quedaron a cencielles. 6 Con una pareya de gües namás [tirar d’un carru]. 7 Parando pa descansar dacuando [tirar d’un carru]. 8 Namái ún [criar un fíu]. || Xugar cenciello, xugar a la xugada menor.