cazu, el: sust. Cacíu [con un mangu llargu que s’emplega pa calentar líquidos, pa sacar líquidos d’otru recipiente]. 2 Cacíu [con un mangu llargu enllenu de daqué]. 3 Cantidá [de daqué que lleva un cacíu con un mangu llargu].4 Cacíu [más anchu qu’altu y con un mangu llargu que s’emplega pa tostar pataques, güevos]. 5 Cacíu [más anchu qu’altu y con un mangu llargu enllenu de daqué]. 6 Cantidá [de daqué que lleva un cacíu más anchu qu’altu y con un mangu llargu]. 7 Instrumentu [de madera p’aballar la comida]. 8 Parte [saliente de la caxada debaxo de la boca]. 9 Farol [p’amagostar castañes]. || Bollu’l cazu, pan [que se fai pa los neños cuando s’amasa]. || Cazu de rabu llargu, cacíu [más anchu qu’altu y con un mangu llargu que s’emplega pa tostar pataques, güevos]. || De cazu con paleta, caleyando, diendo [d’un llau pa otru pasándolo bien, dexando ensin facer los llabores, ensin atender les obligaciones]. || Meter el cazu, fam. metese [n’asuntos ayenos]. || Tener el cazu pel mangu, fam. dominar una situación.