cayida, la: sust. Aición y efeutu de cayer. 2 Golpe [que se lleva al cayer]. 3 Ocurrencia, dichu [graciosu, inxeniosu que diz daquién metanes una conversación]. 4 Conxuntu de muérganos [asitiaos nel abdome y nel tórax d’un animal que se saquen dempués de matalu]. 5 Facilidá [que tien un llugar pa llegar a él]. 6 Inclinación [d’una calle, d’una mesa, d’un esboligaderu]. 7 Manera de cayer [un vistíu, una tela]. 8 Aceptación [que tien ente la xente daqué]. Esta tienda tien bona cayida. La fiesta de San Cloyo tien muncha cayida. 9 Momentu [del día] cuando atapez. 10 Efeutu [que produz la mar cuando entra de sutrucu nun puertu y sal con muncha fuercia]. 11 Final [d’una fiesta]. || De muncha cayida, de muncho comer.