caxa, la: sust. Recipiente [de material resistente, xeneralmente con tapa, que s’emplega pa guardar oxetos, papeles]. 2 Recipiente [de material resistente, xeneralmente con tapa, que s’emplega pa guardar oxetos, papeles enllenu de daqué]. 3 Cantidá [de daqué qu’entra dientro d’un recipiente de material resistente, xeneralmente con tapa]. Comieron una caxa figos. 4 Cubierta [de metal, de madera que protexe’l mecanismu d’un reló, d’una televisión]. 5 Parte [güeca d’un instrumentu musical onde se produz la resonancia]. 6 Recipiente [onde se meten los cadabres pa enterralos]. 7 Parte [del camión, del carru onde se tresporta la carga]. 8 Caxina [de les plantes lleguminoses]. 9 Caxellu, construcción [onde viven, críen y almacenen el miel les abeyes]. 10 Calláxina, güesu [de la boca onde encaxen los dientes, les mueles]. t. pl. 11 Güecu [que formen les costielles onde s’alluguen les coraes]. 12 Dineru [rexistrao que se tien disponible nun negociu, nun momentu determináu]. El martes nun ficimos caxa. 13 Máquina [con un caxón pa meter dineru que rexistra les cantidaes que se guarden nella]. 14 Sitiu [nun establecimientu comercial, nuna oficina onde se faen los pagos, los cobros, onde se guarda’l dineru]. 15 Pieza [que zarra pela parte superior el güecu d’una puerta, d’una ventana]. 16 Espaciu [ente los hastiales nuna rampla na mina]. 17 Espaciu [de la páxina d’un llibru onde va’l testu]. || Caxa d’aforros, bancu públicu [que dedica parte de los sos fondos a fines sociales]. 2 Llocal [onde s’asitia una entidá bancaria que dedica parte de los sos fondos a fines sociales]. || Caxa de música, recipiente [de madera, de metal que fai sonar la música al llevantar la tapa]. || Caxa fuerte, recipiente [reforzáu pa guardar y tener bien protexíes coses de valor]. || Caxa les abeyes, caxellu, construcción [onde viven, críen y almacenen el miel les abeyes]. || Caxa negra, aparatu [que rexistra toles incidencies téuniques nel vuelu d’un avión, nel trayeutu d’un tren]. || Facer caxa, contar el dineru que gana [nun determináu momentu un negociu].