Diccionariu

Diccionariu de la Llingua Asturiana (DALLA)

Busca cenciella

Busca avanzada per pallabres

Si hai más de 500 resultaos tien d'axustar la consulta.

Busca avanzada per definición

Si hai más de 500 resultaos tien d'axustar la consulta.

Resultaos


cargar: v. Poner [daqué o a daquién nun vehículu, nun animal, nun cacíu pa tresportalo]. Cargó agua en calderu. 2 Dexar [un vehículu, un animal, un cacíu con una cantidá, con un pesu]. Cargó’l calderu d’agua. Carga un camión con sable él solu. 3 Tener les condiciones apropiaes [un cacíu, un animal pa poder llevar una cantidá, un pesu]. El depósitu carga una tonelada. 4 Tar [munchu tiempu con daqué o con daquién qu’estorba]. Tuvi tol día cargando cola chaqueta. 5 Lladiar [un vehículu, un animal por tar mal repartío, mal colocao lo que tresporta]. La furgoneta carga a la izquierda. 6 Asentar [daqué de munchu pesu nuna superficie]. La viga pequeña carga nesti muriu. 7 Acumular [un animal grasa, carne nuna parte del cuerpu]. Esti xatu carga nos cuartos d’atrás. 8 Dar [fruta enforma un árbol]. t. prnl. Diba tiempu que nun cargaba tanto la cerezal. 9 Aumentar la intensidá, la calor de [daqué] o de [daquién]. Mira como carga, va salise’l ríu. La fiebre cargó. 10 Sirvir [sexualmente’l machu a la fema]. 11 Preñar [el machu a la fema]. 12 Agarrar [una cantidá grande de daqué]. Cargó comida como pa un batallón. 13 Echar [muncho d’una sustancia] a [daqué]. Nun me cargues tanto’l café. 14 Volvese mui escuro [un líquidu]. Cola fiebre cargó-y la orina. 15 Causar un trestornu [a daquién faciendo que pierda la tranquilidá, la paciencia, el bon humor con dichos o con fechos insistentes]. Cárgame la xente como él. 16 Tar esmolíu por [un sentimientu], por [una pena]. Son munchos años cargando con estes penes. 17 Quedar [con daqué mal a gustu, de mala gana]. 18 Responsabilizar o responsabilizase de [daqué o daquién]. El fíu carga con toles culpes. Cuando marchen, ye ella la que carga colos hermanos. Cargáron-y cinco asesinatos. 19 Atacar, acometer a [daquién con fuercia]. La policía cargó escontra la xente. 20 Emburriar [col cuerpu un xugador a otru nun partíu]. El delanteru cargó al defensa. 21 Dexar [un arma, un aparatu] preparáu [con daqué que necesita pa funcionar. Cargó’l fusil coles bales nueves. 22 Acumular enerxía llétrico en [una pila], en [una batería]. Cómprame un aparatu pa cargar piles. 23 Acumular enerxía llétrico [una pila, una batería]. Esta batería carga sola. 24 Añader [una cantidá de dineru nuna deuda, nun preciu, nuna cuenta]. Cargáron-y quinientes pesetes pol embalaxe. 25 Quitar [una cantidá de dineru nuna deuda, nuna cuenta]. Cargáron-y dos mil pesetes na cuenta. 26 Revocar, cubrir [una parede, un techu con una capa d’argamasa]. 27 fam. Suspender [un esame, una oposición]. || Cargar col muertu, fam. aceptar daqué que nun gusta. 2 Cargar con una culpa. || Cargar como la raposa pelleyos [a ún], fam. reñer o censurar [a daquién]. || Cargar la mano, pasase d’una midida, del puntu conveniente [al facer daqué]. Ta demasiao de dulce, cargasti la mano col azucre. || Cargar la pinaza, dexar con munchu pesu, con muncha cantidá.