cadena, la: sust. Oxetu [formáu por un conxuntu d’anielles o d’argolles de metal, de plásticu, zarraes sobre sí mesmes, que tán enganchaes y articulaes ente elles]. 2 Pieza [allargada de madera de les qu’encaxen nos piértigos pa formar la base onde asienten les tables del treme del carru]. 3 Parte inferior [del pobín del carru]. 4 Reya [de la rueda del carru]. 5 Tabla [con una abertura na parte central onde axusta’l mazu del batán]. 6 Tablón [con una abertura en cada llau pa qu’encaxen los cepones del mazu]. 7 Pieza [allargada de madera de les qu’aúnen les tables del ramu o de la corza]. 8 Maderu [que se pon de refuerzu nes esquines que formen los sobrelliños del horru, encaxándolu pelos cabos]. 9 Conxuntu [d’átomos enllaciaos ente sí nuna molécula orgánica]. 10 Conxuntu [de fechos, d’aiciones qu’asoceden ún tres otru y que tán rellacionaos ente sí]. 11 Conxuntu [de persones, de máquines rellacionaes ente sí y que trabayen o actúen en socesión]. 12 Filera [de persones agarraes peles manes]. 13 Parte [del baille del pericote]. 14 Grupu [de comercios, de periódicos que dependen d’una mesma empresa, d’una mesma persona]. 15 Empresa [de radio, de televisión que tien delles emisores que comparten la mesma programación]. 16 Emisora [de televisión]. 17 Oxetu [formáu por un conxuntu d’aparatos de soníu, auníos a una mesma salida d’altavoces]. || En cadena, qu’ocurre socesivamente.