cachu, el: sust. Parte [de daqué]. Solo vi un cachu de la película. 2 Pedazu, parte [de daqué sólido]. Recoyeron los cachos del xarru rotu. 3 Pedazu [grande de pataca cocío]. 4 Pataca [cocida col pelleyu]. 5 Porción [de tiempu, d’espaciu]. Espera un cachu, qu’acabo aína. 6 Escudiella, cacíu [de madera, de barru de forma cóncava]. 7 Cacíu [de madera, de barru de forma cóncava enllenu de daqué]. 8 Cantidá [de daqué que lleva un cacíu de madera, de barru de forma cóncava]. 9 Recipiente [p’asar castañes]. 10 Recipiente [p’asar castañes enllenu de daqué]. 11 Cantidá [de daqué que lleva un recipiente p’asar castañes]. || A cachos, en partes menudes. 2 Dacuando, de xemes en cuando. || Como un cachu pan, fam. bonal, que tien bondá y nobleza [una persona]. 2 Poco picardiosu, ensin maldá. || Con un cachu, con diferencia, con muncho. Ye más feu que tu con un cachu. || De cachu, fechu de lloza, de porzolana. || De cachu en criba, d’un llau pa otru. || D’un cachu, ensin francer en partes más pequeñes. Comió la galleta d’un cachu. || Un cachu, abondo, bastante. Aquello fastidióme un cachu. || Un cachu pan, fam. persona bonal, que tien bondá y nobleza. 2 Persona poco picardiosa, ensin maldá.