caballu, el: sust. Equus caballus, animal mamíferu [de cuatro pates, pescuezu fuerte y bon corredor que s’emplega pa montar nél, pa llevar cargues]. 2 Equus caballus machu. 3 Filu [que s’escapa de la naspa de filar y queda diagonal a la madexa]. 4 Cacíu [pa cocer enteros los bonitos]. 5 Cacíu [pa cocer enteros los bonitos enllenu de daqué]. 6 Cantida [de daqué que lleva un cacíu pa cocer enteros los bonitos]. 7 Pieza [del xuegu del axedrez que representa una caballería]. 8 Carta [de la baraxa onde apaez representáu un home montáu nuna caballería]. || A caballu, con una pierna pa cada llau [enriba d’una caballería]. 2 Coles piernes abiertes, cola mesma postura que se monta nuna caballería. Llevó’l neñu a caballu. 3 Que ta a la vez [sobre dos partes]. || Caballu de mar, Syngnathus acus, pexe [llargu y delgáu cola boca en forma de tubu]. 2 Nerophis ophidion, pexe [llargu y perdelgáu]. 3 Hippocampus hippocampus, pexe [de cabeza asemeyada a una caballería]. || Caballu de vapor, unidá de potencia qu’equival a la fuercia necesario pa llevantar setenta y cinco quilogramos a un metru d’altura. || Caballu del diablu, inseutu [de cuerpu finu, güeyos grandes y ales llargues]. || Caballu del diantre, inseutu [de cuerpu finu, güeyos grandes y ales llargues]. || Caballu’l pecáu, inseutu [de cuerpu finu, güeyos grandes y ales llargues]. || De caballu, descomanáu, estraordinariu.