círculu, el: sust. Figura xeométrica que tien el contornu en circunferencia. 2 Grupu [de persones rellacionaes ente sí por dalguna actividá común]. 3 Conxuntu [de coses, de conceutos que siguen una serie qu’a lo cabero enllacen otra vez col principiu]. || Círculu polar, paralelu de la Tierra que s’atopa cerca [d’un polu terrestre]. 2 Zona [que ta nel paralelu de la Tierra que s’atopa cerca d’un polu terrestre]. || Círculu viciosu, conceutos que se definen ún con otru y que queden ensin esplicar. || Cuadradura del círculu, lo que nun se pue facer, lo que ye imposible.