brazu, el: sust. Estremidá superior [del cuerpu humanu]. 2 Miembru [del cuerpu humanu que va del costazu a la moñeca]. 3 Parte [del cuerpu humanu que va del costazu al coldu]. 4 Pieza [llateral d’un asientu que val p’apoyar los coldos]. 5 Pieza [allargada d’un mecanismu, d’un aparatu, que ye la encargada de tocar, de suxetar l’oxetu sobre’l que se quier actuar]. 6 Pieza [allargada d’una llámpara, d’un candelabru, que nel so estremu suxeta una bombilla, una vela]. 7 Pata delantera [d’una caballería]. 8 Parte [d’una cruz, d’una espiral, d’un ancla que sal del centru]. || A brazu partíu, con munchu puxu. || Brazu de mar, entrante de mar na tierra. || Brazu (de) xitana, bizcuechu [de forma cilíndrica rellenu de crema, de chicolate]. || Brazu (de) xitanu, bizcuechu [de forma cilíndrica rellenu de crema, de chicolate]. || Brazu derechu [de daquién], collaborador más averáu y eficaz [de daquién]. || Colos brazos abiertos, con amabilidá, y de bona gana. 2 Con gana, con munchu deséu. || Colos brazos cruciaos, ensin facer nada, ensin trabayar. || Cruciar los brazos, fam. nun facer nada, nun trabayar. || Cruciase de brazos, fam. nun facer nada, nun trabayar. || Dar el brazu a torcer, dexar de ser contrariu a una opinión, a un pidimientu. || De brazos cayíos, ensin facer nada, ensin trabayar. || De brazos cruciaos, ensin facer nada, ensin trabayar. || De brazu, fuerte. 2 D’arremangu pal trabayu. || De (el) brazu curtiu, fam. poco trabayador. || Del brazu, coyíu al brazu. || En brazos, en cuellu. || Nacer con un pan baxo’l brazu, trayer suerte [un neñu cuando naz]. || Tener brazu, tener fuercia. 2 Tener arremangu [pal trabayu]. || Tripa del brazu, tripa gordo [que tien el gochu al par del butiellu].