botón, el: sust. aum. de botu y de bote. 2 Bota [grande]. 3 Oxetu [xeneralmente redondu, que prendíu na ropa, nuna fardela, val p’abrir y zarrar una abertura, p’adornar]. 4 Pieza [d’un mecanismu, d’un circuitu llétricu, qu’al calcala o movela lu pon a funcionar]. 5 Brotu, abultamientu [que se forma nuna planta cuando entama a salir una flor, una fueya]. 6 Symphodus pirca, farragueta, pexe marín [de boca pequeña y llabios gordos]. 7 Labrus berggylta, maragota, pexe marín [de llabios abultaos y con una aleta en llombu formada d’espines]. 8 fam. Embeligru, marca [que queda na barriga al cayer el conductu qu’aúne’l fetu cola llibradura]. || Botón de camparrasa, embeligru. || Botón de la Virxe, flor [de la Sanguisorba minor qu’abanga y ye mui vistosa]. || Botón Felipe, embeligru. || Botones de la Virxe, Sanguisorba minor, planta rosácea [de flores qu’abanguen y son mui vistoses].