blandiu, -a, -o: ax. Que pierde fácil la so forma al calcar nél. 2 Suave [al tocalo]. 3 Qu’echa los escrementos poco consistentes. 4 Con poques sales [l’agua potable]. 5 Que tien poca capacidá de sufrimientu, d’aguante. 6 Tolerante, [poco] estricta [una persona, una llei]. 7 Que tien poca fuercia. 8 Qu’amala cada poco. 9 Dau a aflacar [un xatu, una vaca]. 10 Malu, d’agua [un día, el tiempu]. 11 Qu’entama a pasar [un catarru]. || A blandio, ente agua [un alimentu, la ropa pa qu’ablandie]. || Dar en blandio, tener facilidaes [pa llograr daqué por nun s’oponer naide]. || Mano blandia, falta de severidá.