baxar: v. Dir [d’un sitiu, d’un puestu más altu a otru más baxu]. t. prnl. Báxate d’ehí, que caes. 2 Facer dir [d’un sitiu más altu a otru más baxu]. Baxa esi cuadru. 3 Agachar, doblar p’abaxo [el cuerpu o una parte del cuerpu]. Baxó pa pañar les ablanes. 4 Andar p’abaxo [per un camín, per una escalera]. 5 Posar [d’un vehículu, d’un animal]. 6 Posase [d’un vehículu, d’un animal]. t. prnl. 7 Amenorgar, facer menor [la intensidá, la cantidá, l’ánimu, el preciu]. 8 Llegar [a menos d’una cantidá una temperatura, una intensidá, un preciu]. La casa nun baxa de quince millones. 9 Allargar [una parte d’una prenda de vistir, d’una cortina]. 10 Dar [la lleche una fema]. La vaca güei nun baxa la lleche. 11 Entamar a apaecer [la lleche a una fema]. Tien muncha fame porque a la ma nun-y baxó la lleche tovía. 12 Humildar, rebaxar. Báxense los emprunaos y álcense los arrastraos. 13 Llanzar la primera vegada [la bola dende’l poyu nuna variedá del xuegu los bolos]. || Baxar de la burra, ceder nuna opinión o nuna idea. 2 Facer ceder nuna opinión o nuna idea. 3 Desengañase, tener una desilusión. || Baxar del burru, ceder nuna opinión o nuna idea. 2 Facer ceder nuna opinión o nuna idea. 3 Desengañase, tener una desilusión. || Baxar la cabeza, humildar o humildase. || Baxar la mano, ser menos esixente. || Baxar los fumos, fam. quitar l’altiveza. || Baxar los pantalones, fam. rebaxase, humildase. || Baxase de la burra, ceder nuna opinión o nuna idea. 2 Desengañase, tener una desilusión. || Baxase del burru, ceder nuna opinión o nuna idea. 2 Desengañase, tener una desilusión.