axuntar: v. Poner xuntu o [más] xuntu. Axunta les migayes cola escoba. Axunta la fotocopia del carné al escritu. 2 Facer tar xuntes [a dos o más persones nun mesmu sitiu]. Axuntaron a la xente na plaza. 3 Poner xuntes [sustancies, dos o más coses de manera que formen un tou]. Axúntalo too pa facer un bizcuechu. 4 Facer [un tou dos o más sustancies]. La vinagre y l’aceite güei nun axunten pa la mayonesa. 5 Aforrar, amontonar [bienes, dineru]. Ta axuntando pal pisu. 6 Facer [un conxuntu con oxetos de la mesma triba o que tienen rellación ente sí]. Axunta cromos de fútbol. 7 Poner en rellación o contautu. Foi’l programa de la tele’l que los axuntó. 8 Casar [a dos persones]. 9 prnl. Tener rellaciones sexuales [les persones, los animales]. 10 prnl. Vivir o entamar a vivir [como casaos ensin talo]. 11 prnl. Pasar o coincidir [a la vez dos o más acontecimientos, asuntos]. 12 prnl. Tar [con otres persones nun sitiu pa falar, p’armar folixa]. Axuntáronse a la puerta. || Axuntar los trapos, fam. casase. || Axuntase la fame cola gana comer, axuntase dos persones con zunes, con vezos mui asemeyaos. 2 Coincidir delles circunstancies mui asemeyaes.