acentu, l’: sust. Diferencia [d’intensidá, de tonu que se fai al pronunciar una sílaba, una pallabra]. 2 Signu [gráficu que s’usa pa indicar la diferencia d’intensidá, de tonu al pronunciar una sílaba]. 3 Variación del tonu de voz [qu’espresa enfadu, contentu, un orixe xeográficu]. || Acentu agudu, signu gráficu [que s’alluga enriba de delles lletres en dalgunes llingües y que se representa col caráuter «´»]. || Acentu circunflexu, signu gráficu [que s’alluga enriba de delles lletres en dalgunes llingües y que se representa col caráuter «^»]. || Acentu grave, signu gráficu [que s’alluga enriba de delles lletres en dalgunes llingües y que se representa col caráuter «`»].