abiertu, -a, -o: ax. *Participiu d’abrir. 2 Llanu y ensin arbolíu, ensin matu [un terrenu]. 3 Que tien facilidá pa tratar cola xente. 4 De bon tratu. || A cielu abiertu, que ta al aire, que nun ye soterraña [una mina]. || Carta abierta, escritu [que se fai públicu nun mediu de comunicación dirixíu a una persona]. || Circuitu abiertu, conductor llétricu o conxuntu de conductores llétricos pelos que nun ta pasando corriente. || Cola boca abierta, plasmáu, ablucáu. || Colos brazos abiertos, con amabilidá y de bona gana. 2 Con gana, con munchu deséu. || Como un llibru abiertu, sabíu, entendíu en delles materies. || Conceyu abiertu, xunta [que se fai nun pueblu pa tratar dalgún asuntu, onde puen participar tolos vecinos]. || Mar abierta, zona de la mar que ta lloñe de cualquier costa. || Tener el cielu abiertu, tener la solución [pa daqué]. || Un boca abierta, indiscretu, que fala más de la cuenta. || Ver el cielu abiertu, ver la solución [pa daqué].