caliente: ax. Con calor, con temperatura alto. 2 Con bona temperatura. 3 Que caltién la calor, que protexe del fríu. Una llana bien caliente. 4 Acabante catar [la lleche]. 5 Cercanu al aciertu. 6 Col rixu o deséu sexual altu. 7 fam. Difícil, complicada [una situación]. Güei nun lo voi dicir en casa, porque anden les coses calientes. 8 fam. Enfadáu, alteriáu. 9 fam. Dau a alteriase. 10 fam. Lleváu por un deséu fuerte, por un sentimientu [una persona]. 11 fam. Que recibió una cuelma de golpes. 12 fam. Enfiláu, emborracháu. || A Arxel, que ye tierra caliente, *espresión que s’usa pa refugar a una persona cafiante. || D’Arxel y tierra caliente, d’un llugar mui raru o remotu. || De sangre caliente, que tien la temperatura del cuerpu más alto que lo del ambiente [un animal]. || En caliente, nel mesmu momentu en qu’entá duren los efeutos d’una situación anterior. || Tener el bolsu caliente, fam. tener munchu dineru. || Tener el picu caliente, fam. tar enfiláu, borrachu.