blancu, -a, -o: ax. Que produz la mesma sensación visual al entrar en contautu cola lluz que la nieve acabante cayer. 2 Que produz una sensación visual [más] clara [qu’otros elementos del mesmu tipu o especie]. 3 De raza que tien la piel claro. 4 Pálidu, con pocu color [na cara]. 5 Curiosa, fina [una persona]. 6 Fecho con trigu [el pan]. 7 Que nun tien rima [un versu]. 8 Que nun ta destacáu con trazos [más] gordos [una lletra d’imprenta]. || Arma blanca, arma [que fire col corte o cola punta]. || Camarón blancu, Xantho incisus, crustaceu marín [más anchu que llargu, de boques gordes y de color claro]. || Dar carta blanca a [daquién], dexar que [daquién] puea facer lo que quier. || De la punta (de) el rabu blancu, mala, que nun tien virtúes morales, que busca perxudicar [una persona]. || En blanco, ensin escribir [una fueya, un papel]. 2 Ensin memoria, ensin idees. 3 Abandonáu, plantáu [daquién qu’espera]. || En blanco y negro, con tonos blancos, negros y grises [una imaxe fotográfica, un sistema de televisión]. || Escayu blancu, planta espinosa del xéneru Rubus. || Espinera blanca, Crataegus monogyna, arbustu [de munchos pinchos y de flores blanques y arumoses]. || Firmar en blanco, conceder [daqué] ensin nenguna condición. || Fuina de la papalba blanca, Martes foina, mamíferu mustélidu [de pates curties y rabu llargu, que tien el pelo marrón escuro con una mancha blanca pel papu y el pechu]. || Ganzu blancu, planta del xéneru Erica [de fueya pequeño y perenne, con flores blanques o arrosetaes y madera perduro]. || Glóbulu blancu, célula de les que formen el sangre, incolora y móvil. || Llibru blancu, informe [detalláu y ampliu sobre un determináu tema d’interés]. || Morciella blanca, morciella [fecha con una mecedura de cebolla, untu, clara de güevu]. || Mustadiella blanca, Mustela erminea, mamíferu carnívoru [que cambia’l color del pelo pal blancu pel iviernu]. || Ortiga blanca, Lamium album, planta [de fueyes con llanuxu y flores blanques que nun pica al tocala]. || Pardu blancu, Carduelis chloris, páxaru [de color verde y picu fuerte]. || Pata blanca, Holcus lanatus, vitola, planta [que tien les fueyes con llanuxu]. || Pescáu blanco, pescáu [con poca grasa]. || Pexe blanco, pexe [con poca grasa]. || Picadiellu blanco, pulmones [del gochu pa comer, pa facer chorizos]. || Raxadina blanca, [tipu de] mazana. || Sangre blanco, falta d’arremangu, de brenga [pa facer les coses]. || Sustancia blanco, parte interna del cerebru y superficial de la médula, de color blanco, formao por fibres nervioses. || Vinu blanco, vinu de color claro que se saca de la uva blanco.