xeneral: ax. Qu’afeuta [a tolos miembros d’un grupu, a toles partes d’un conxuntu]. 2 Que ta espardíu [ente la xente un fechu, una creyencia]. 3 Qu’abarca delles estayes d’una alministración. || Capitán xeneral, oficial que tien el grau máximu [nun exércitu]. || Capitanía xeneral, cargu de capitán xeneral. 2 Territoriu [de la xurisdicción militar que dirixe un capitán xeneral]. 3 Edificiu [onde s’asitien les oficines nes que trabaya un capitán xeneral]. || En xeneral, na mayoría de los casos. En xeneral pasaron les pruebes. 2 Ensin entrar en particularidaes. En xeneral toi contenta colo qu’escribí. || Por regla xeneral, davezu, cuasi siempre. || Secretariu xeneral, cabezaleru máximu [de dellos partíos políticos, de dellos sindicatos, de delles organizaciones]. || Xunta Xeneral, parllamentu, institución representativa de los asturianos. 2 Muérganu históricu representativu de los conceyos asturianos.