vagar: v. Dar tiempu a [facer daqué]. Nun me vaga dir a Uviéu güei. 2 Suplir, facese llargu [el tiempu esperando]. Va vagate d’equí a que vengan. 3 Tar [a ún bien] merecío [lo que-y pasa]. Nun quixo trayer la chaqueta y agora vága-y bien pasar fríu. 4 Folgar, nun trabayar [por falta de gana, porque nun apetez]. || Ha vagar, *espresión cola que s’indica que daqué ye perdifícil que se cumpla, que va pasar munchu tiempu enantes de cumplise. Ha vagate esperar por él. || Va vagar, *espresión cola que s’indica que daqué ye perdifícil que se cumpla, que va pasar munchu tiempu enantes de cumplise. Va vagar d’equí a que venga.