puñu, el: sust. Mano [zarrada]. 2 Parte [cabera de la manga d’una prenda de vistir qu’arrodia la moñeca]. 3 Parte [d’un paragües, d’un arma per onde s’agarra cola mano]. 4 Vértiz [de la vela d’una embarcación]. || A puñu, espardiendo al aire puñaos de semiente [semar]. || Al puñu, espardiendo al aire puñaos de semiente [semar]. || Apertar el puñu, fam. ser atuñáu, tacañu. || Col corazón nun puñu, angustiáu, acongoxáu. || Como puños, grande [daqué que davezu ye pequeño]. || Como un puñu, grande [daqué que davezu ye pequeño]. || Coyer el corazón nun puñu, fam. producir angustia, congoxa. || D’apertar el puñu, fam. atuñáu, tacañu. || De la virxe del puñu, fam. atuñáu, roñosu. || De puños, fam. decidíu [pa entamar daqué con toles consecuencies]. Hai que se poner de puños y estudialo too darréu. || Del puñu (apertáu), fam. atuñáu, tacañu. || Del puñu zarráu, fam. atuñáu, tacañu. 2 Comunista, socialista. || Puñu enriba, saludu [comunista que se fai cola mano zarrada n’alto]. || Puñu zarráu, mano zarrada. 2 Saludu [comunista que se fai cola mano zarrada n’alto]. Recibiéronla col puñu zarráu. || Tener el corazón nun puñu, tar angustiáu, acongoxáu. || Tener les tripes en puñu, tar amaláu. || Tener nun puñu [a daquién], dominar [a daquién].