propiu, -a, -o: ax. Que pertenez a ún. Tien coche propiu. 2 Qu’amuesa los trazos que son de [daqué] o de [daquién]. Esa ye una cualidá propia d’una persona intelixente. 3 Qu’estrema a [daqué o daquién]. Tien trazos propios. 4 Que correspuende a [una época]. Nieve propio del iviernu. Fruta propio del branu. 5 Que s’axusta a les carauterístiques necesaries [pa llograr un fin]. Esos zapatos son propios pal agua. 6 Mesmu, que ye [la persona o la cosa de la que se fala y non otra]. Eses factures son del propiu alcalde. || A propiu intentu, arrémente, con intención, sabiendo lo que se fai. || Amor propiu, arguyu d’ún mesmu. || Nome propiu, nome que se refier a [daqué] o a [daquién] únicu dientro la so especie.