galán, el: sust. Mozu [que cortexa]. 2 Mozu [qu’acompaña a la moza pa pidir l’aguilandu]. 3 Stellaria holostea, planta [de flores grandes y blanques]. 4 Bellis perennis, catasol, planta [de flores blanques y marielles que se mueve buscando’l sol]. 5 Flor montés [de cualquier clas]. 6 Xestu [cariñosu que se fai a daquién]. 7 Xuguete o cosadiella [pa entretener a un neñu]. 8 Xestu o pasu [primeru de los que da un neñu cuando entama a andar, a movese]. El neñu yá entama a facer dalgún galán. 9 [Tipu de] fungu comestible [que se cría baxo tierra]. 10 Frutu [acolorazáu que da una variedá de texu]. || De galanes, con bona suerte. || Facer galanes, ameyorar [una persona que ta mala].