altu, -a, -o: ax. Que tien muncha dimensión vertical. Poste altu. 2 Que ta asitiáu a muncha distancia del suelu. Techu altu. 3 Que s’atopa [más] lloñe de la base [d’un oxetu, d’un edificiu]. La parte alta de la casa. 4 Que ta [más] al norte. 5 Que tien un grau, una calidá, un preciu mayor de lo normal. 6 Primeru, que pertenez a la primera parte de [un imperiu], de [una edá]. 7 Que tien munchu volume [un soníu, un aparatu musical]. 8 De tonu agudu [un soníu, la voz]. 9 Que da les notes colos tonos [más] agudos [d’ente los de la so clas un instrumentu]. 10 Que ta nel puntu cuando se mete más en tierra [la marea]. 11 En celu [un animal]. || A altes hores, en momentos peravanzaos de la nueche. || Alta mar, zona de la mar que ta lloñe de la costa y tien fondura abondo. || Alta sociedá, grupu de persones carauterizáu pol so nivel económicu altu dientro [d’un país, d’una rexón]. || Altu de ranga, folgáu, ensin facer nada. || Cámara alta, senáu. || Clas alta, grupu de persones carauterizáu pol so nivel económicu altu dientro [d’un país, d’una rexón]. || Cola cabeza alta, dignu, arguyosu. || Cola frente alta, dignu, arguyosu. || En voz alto, de manera que s’oiga bien. || Fornu altu, construcción grande usada na siderurxa pa desamecer el mineral de fierro. || Gallegu alto, aire del noroeste.