derechu, -a, -o: ax. Reutu, ensin curves, ángulos o pliegos. Fai’l riegu derechu. 2 Direutu, ensin arrodiar. Esta carretera va derecha a Llastres. 3 Ensin parase, ensin entretenese. Vete derechu pa casa. 4 Col cuerpu [mui] estiráu, ensin torcese. Ponte derechu que te va salir gorrumba. 5 En posición vertical. Punxeron derechu’l poste que cayó. 6 Cola conducta bien marcada. Trailu’l padre bien derechu. 7 Que ye la principal de les cares [d’una cosa]. Gústame’l llau derechu d’esta tela. 8 Seria, honrada, trabayadora [una persona]. Ye un paisanu mui derechu, pues fiate d’él. 9 Que ta na derecha [de la persona que mira o fala]. Siéntate al llau derechu de mio. 10 Que se val meyor de la mano que ta na mesma parte del cuerpu que’l fégadu. Esta neña ye derecha. || A cuerpu derechu, folgando. || A (les) dereches, bien, con aciertu. || Al dereches, bien, con aciertu. 2 Del llau o cara principal. || Al derecho, bien, con aciertu. 2 Del llau o cara principal. || Bígaru derechu, Monodonta lineata, moluscu marín [de cáscara paecida a la del cascoxu]. || Brazu derechu [de daquién], collaborador más averáu y eficaz [de daquién]. || Güeyu derechu, persona [preferida, de muncha confianza]. || Mano derecha, habilidá, maña. 2 Collaborador más averáu y eficaz [de daquién]. || Nun saber ónde se tien la mano derecha, nun conocer la realidá de la vida. 2 Tar desorientáu dafechu. 3 Ser tontu dafechu. || Pie derechu, viga [d’una casa]. 2 Pieza [de les llaterales de la marcación d’una puerta, una portiella].