cuartu, el: sust. División [de les que tien una casa]. 2 Parte [d’una casa dedicada a dormir]. 3 Construcción [pal ganáu con corte na parte d’abaxo y payar na parte d’arriba]. 4 Parte [de les cuatro en que se pue dividir un animal y qu’agarra una pata y el trozu del troncu que ta apegáu a ella]. 5 Parte [de les cuatro iguales en que se divide daqué]. 6 Parte [de les cuatro iguales en que se divide un quilo o un llitru]. 7 Barra [de pan que pesa aproximadamente la cuarta parte d’un quilo]. 8 Vela [pequeña que se pon nel palu de proba cuando hai vientu fuerte]. 9 Fase [de les cuatro que tien la Lluna al dir xirando alredor de la Tierra]. 10 Midida [de capacidá] qu’equival aproximadamente a cinco quilos de granu. 11 Cantidá [qu’equival aproximadamente a cinco quilos de granu]. 12 Midida [de capacidá] qu’equival a un cuartu de copín. 13 Recipiente [que lleva una cantidá qu’equival a un cuartu de copín]. 14 Recipiente [que lleva una cantidá qu’equival a un cuartu de copín enllenu de daqué]. 15 Cantidá [de daqué que lleva un recipiente qu’equival a un cuartu de copín]. 16 Moneda [de cobre antigua]. 17 pl. fam. Perres, dineru. || Cuartu al seriu, xuegu onde dos persones se miren a los güeyos pa ver quién aguanta más tiempu ensin rir. || Cuartu d’hora, espaciu de tiempu qu’equival a quince minutos. || De cuartu, feches d’un tueru de madera del que se puen sacar más de dos tazos [unes madreñes]. || Mal del cuartu, enfermedá [de les vaques qu’entama a manifestase peles pates].