cuando: conx. El momentu en que, el tiempu en que. Les víspores de fiesta ye cuando s’enllenen los supermercaos de xente. Entós foi cuando él-y pidió les perres. 2 Nel momentu en que, nel tiempu en que. Mándovos los muebles cuando venga’l mio sobrín cola furgoneta. Yá taba trabayando na mina cuando empezó la crisis. Cuando oyó’l gallu cantar, salió disparáu pa casa. 3 El tiempu de. Eso ye de cuando la guerra. 4 Nel tiempu de. Cuando la guerra pasáronlo mui mal. 5 Si. Cuando él lo diz, por dalgo será. || Cada cuando, dexando pasar un tiempu llargu ente una vez y otra. N’Andalucía llueve cada cuando. || De cuando en cuando, cada ciertu tiempu. || De cuando en vez, con poca frecuencia, cada ciertu tiempu. || De vez en cuando, con poca frecuencia, cada ciertu tiempu. || De xemes en cuando, cada ciertu tiempu.