corréu, el: sust. Tresporte de cartes y paquetes [ente unes persones y otres que realiza una entidá]. 2 Conxuntu de cartes, de paquetes [que se recibe o se manda a traviés d’una entidá que les tresporta]. 3 Vehículu [que tresporta les cartes, los paquetes unviaos pola entidá que se dedica a ello]. 4 pl. Entidá [que se dedica a organizar y tresportar d’un sitiu a otru correspondencia, mercancía]. 5 pl. Edificiu [onde se vienden sellos, onde se reciben o dende onde se manden paquetes, cartes]. || Corréu del purgatoriu, fam. persona a la que-y gusta saber y contar les noticies y los asuntos de los demás. || Palombu corréu, Columba livia, páxaru [de color gris azulao y dos franxes negres que traviesen les ales].