claru, -a, -o: ax. Con lluz o con bien de lluz. 2 Que tira más al color blanco qu’al negro. 3 Ensin porquería, ensin impureces [un oxetu, un líquidu tresparente]. 4 Ensin nubes [el cielu, el tiempu]. 5 [Mui] líquido [el puré, el chicolate]. 6 Fácil [d’entender, de notar]. 7 Que nun se pue duldar, que nun se pue negar que seya verdá. 8 Que s’estrema bien [una imaxe, un soníu]. 9 Qu’esplica les coses de manera que s’entiendan fácil [una persona, un llibru]. 10 Que nun escuende les verdaderes intenciones [una persona, una actitú]. 11 De timbre agudu [un soníu, una voz]. 12 Seguru, fácil [el futuru, el porvenir]. || A les clares, ensin dexar dulda, ensin esconder nada. 2 De manera direuta, ensin vueltes.